CYCLE UP! — ქალაქური საფარი და დიზაინის ინტერაქტიული ვორკშოპი: ქალაქი ქვეითებისა და ველოსიპედისტების თვალით - ქუთაისი
კმაყოფილი ხართ იმ ადგილით, სადაც ცხოვრობთ? ვისწავლოთ „ქუთაისის წაკითხვა“, მისი პრობლემების იდენტიფიცირება და ერთად შესაძლო უკეთესი გადაწყვეტილებების შემუშავება.
როგორ შეიძლება ქალაქი იყოს საცხოვრებლად კომფორტული და ამავდროულად ეკოლოგიური ყველასთვის? ამ ინტერაქტიული პროექტული დღის ფარგლებში მონაწილეები შეისწავლიან ქალაქური ცხოვრების, ტრანსპორტისა და გარემოს დაცვის საკითხებს. მოკლე შესავლის შემდეგ გაიმართება რეალური ქალაქური სივრცეების კვლევა მცირე ჯგუფებში, სადაც მონაწილეები გააანალიზებენ პრობლემებს და შეიმუშავებენ კრეატიულ გადაწყვეტებს ინკლუზიური და მდგრადი უბნისთვის.
სამუშაო ნაწილი შედგება სამი ბლოკისგან:
· შესავალი პროვოკაცია (60 წთ)
· ქალაქის „წაკითხვა“ (90 წთ)
· ქალაქური ლაბორატორია (120 წთ)
ქალაქური სიტუაციები, რომლებზეც ყურადღება გამახვილდება: მონოფუნქციური ურბანული ზონები, ბრაუნფილდები, სუბურბანიზაციის პროცესები, ინდუსტრიული და ლოგისტიკური პარკები, იშვიათად დასახლებული უბნები, შემცირებადი ქალაქები, სატრანსპორტო პრობლემები და საცობები, გარემოს გაუარესება, საზოგადოებრივი სივრცის უგულებელყოფა, გენტრიფიკაცია და ხელმისაწვდომი საცხოვრებლის დეფიციტი, ქალაქის პრივატიზაცია, ცარიელი შენობები, მოძველებული საცხოვრებელი ფონდი და უძრავი ქონების სპეკულაცია, ახალი მშენებლობის ნაკლებობა ან პოლიტიკური მიმართულებისა და მონაწილეობითი პროცესების არარსებობა. ჩვენ განვიხილავთ და გამოვავლენთ ადგილობრივად სპეციფიკურ გამოწვევებს, რომლებსაც შემდგომში შევისწავლით, აღვწერთ და გარდავქმნით.
ვორკშოპი ჩატარდება ნაწილობრივ ღია ცის ქვეშ, წვიმის შემთხვევაშიც. მონაწილეებს ვთხოვთ, ამინდის პროგნოზის მიხედვით მოამზადონ შესაბამისი ტანსაცმელი და საჭიროების შემთხვევაში ქოლგა.
ეს ღონისძიება ორგანიზებულია ჩეხეთის ცენტრი თბილისის მიერ ადგილობრივ პარტნიორ ევროპის ცენტრალურ უნივერსიტეტთან თანამშრომლობით. ღონისძიება არის პროექტ CYCLE UP!-ის ნაწილი და თანადაფინანსებულია ევროკავშირის მიერ პროგრამა „Creative Europe“-ის ფარგლებში.
